Aprende sobre q’anjob’al: Lengua y tradiciones

_{El conejo y es señor colmenero – No’ txitx yetoq cham sayom yalkab’}

Yet junel, jun cham icham max toj cham sayoj kab’ xolaq mimeq q’aqtelaq, max ilchaj wal jun mok yalkab’ yuj cham. Axa meltzoj cham b’ay yul jun b’e b’ay max toj k’alta’ cham, axa tu, aywal jun no’ txitx chi iloni tol chi b’ey cham tit yul b’e tu, axa q’oqon ay telan sb’a no’ yul sb’e cham, axk’ijan waltol kamnaq no’.

Axa yet max yilon ok cham icham ti jun no’ txitx tu kax max sik’on aj cham no’ axa max yalon cham b’ay no’ axkati:- ¿Tzet max hach oni?, q’axan hach towali, tzetmi ilyahil max tit hen?, aq’ wal mimank’ulal kanan kan kayti yujtol yalixh hach ch’an maj hach yab’juneloq ko chi’ yultol a’ b’ay kajan hin xiwil ko b’ey hon, xhi cham b’ay no’. Axa toj k’al cham yul sb’e b’ay chi toj tu.

Axa no’ txitx max ajjuknaj no’, axa toj xuyoyoq no’ ssataq cham tu kax max q’oqon ay telan sb’a no’ ssataq cham junelxa, chi yuten xak’al sb’a tol kamnaq; axa yet max yilon cham icham ti no’ kax max yalon cham b’ay axkati: awal tinani tol hoq hex witoq hin chi’, ¿Tzetmi wal chex oni yultol a b’ay kayti ay junxa no’ axka wal hachti? – xhi cham; axa b’eqon kan ay cham smoktu kax meltzoj cham toj yihon jun no’ max b’eqkan cham tu.

Axa no’ txitx ti yet max toj cham tu, axa yihon b’ey no’ jun mok tu’, lanan waltu kax max yilon no’ jun icham kalnel kax max yalon no’ b’ay tol chi kolwaj yetoq no’ txitx tu, kax axa toj heb’ yetoq jun yalkab’ tu masanta k’al max apni ok heb’ b’ay jun miman yax ak’al, a b’aytu max lohaytoq heb’ masanil jun yalkab’tu.

Axatu max q’anon kan way sb’a heb’ yul sna no’ koj, max chalay way heb’ yul kanil sna tu; axa no’ icham kalneltu max tit txul no’ axa max yuneni max titk’ay puk’naj no’ yul kantu, axa yet max yab’en no’ koj tzet yetal max el yawtu, akawal to max xiw no’, axa yel xuyuyoq no’ yetoq masanil yuninal no’. Kaywaltu max yun kolchaj kan el no’ txitx yetoq no’ icham kalnel.

Fuente: Concurso Literario Idioma Q’anjob’al, Comunidad Lingüística Q’ajob’al, K’ULB’IL YOL TWITZ PAXIL- ACADEMIA DE LENGUAS MAYAS DE GUATEMALA, DIRECCION LINGÜÍSTICA Y CULTURAL, PROGRAMA DE ESTUDIOS CULTURALES.

Gracias por llegar! Hasta Luego.

• Nombres de insectos en q’anjob’al
  Se le presenta a continuación una lista de nombres de insectos en idioma maya q’anjob’al.
• Nombres de aves en q’anjob’al
  Se le presenta a continuación una lista de nombres de aves en idioma maya q’anjob’al con traducción al español.
• Nombres de verduras en q’anjob’al
  Se le presenta a continuación una lista de verduras en q’anjob’al con traducción al español.
• Nombres de frutas en q’anjob’al
  Se le presenta a continuación una lista de frutas en idioma q’anjob’al con traducción al español.
• Nombres de animales silvestres en q’anjob’al
  Se le presenta a continuación en idioma q’anjob’al una lista de nombres de animales silvestres.